Ek was vanoggend by jul besigheid in Roodepoort en wil net graag onder jou aandag bring dat die diens wat ek ervaar het, letterlik uit 'n ander wêreld was! Trouens, as ek sou sê die beste diens denkbaar, sou dit nie 'n oordrywing wees nie. Die agtergrond is soos volg: Ek het probleme met my roldeur ondervind met die elektronika wat, volgens plaaslike agente, onklaar geraak het. Volgens hulle moes nie net die elektroniese boks nie, maar ook die elektriese motor gelyktydig vervang word omdat dit as 'n eenheid kom. Dit het vir my na vermorsing geklink en ek het julle nommer gebel wat ek by my buurman gekry het vir wie julle 'n jaar of wat gelede 'n deur geïnstalleer het. Ek het by Nanette uitgekom en sy het my meegedeel dat ek wel die onderdeel by julle kan kry en dat julle dit in voorraad het. Daar het egter 'n misverstand ontstaan deurdat ek my probleem, in my onkunde bygesê,verkeerd aan haar gestel het en ons eintlik bymekaar verbygepraat het.

Nietemin, ek het vanoggend na julle toe gery van Pretoria af, en is baie vriendelik en professioneel ontvang. Ons het gou besef dat ons nie van dieselfde onderdele/komponente praat nie. Haar reaksie was toe, en hier lê die kruks van my storie, of moet ek sê lofprysing: "kom ons kyk wat kan ons doen om jou probleem op te los". Sy het van haar kollegas gevra of hulle vir my dalk 'n 'n boks kan opbou uit los komponente. Sy het ronverneem en haar kollegas was onmiddellik positief en ondersteunend daaromtrent.

Op 'n stadium het die kwessie van 'n reeksnommer egter opgeduik wat probleme kon/sou oplewer. Intussen was sy weer op die foon en toe kom sy met die goeie nuus dat sy toestemming gekry het om 'n afsonderlike boks aan my te verkoop! Ek was uiteraard in my noppies, want dit het my vanselfsprekend 'n klomp geld gespaar. Afgesien van Nanette se hulp(vaardigheid) is twee van haar kollegas nader geroep om alles wat ek omtrent die installasie moes weet, te verduidelik - iets wat hulle dan ook vriendelik en uiters bekwaam gedoen het.

Ek wou my ondervinding net graag onder jou aandag bring, want sowat van diens is hoogs uitsonderlik! Jy kan inderdaad trots wees op jou personeel en as ek 'n sydelingse opmerking mag maak oor my indrukke van julle besigheid: alles en almal met wie ek gehandel het was uiters professioneel en die besigheid lyk sommer asof dit goed bestuur word!

I want to notify you of, and congratulate Nanette Ferreira's excellent customer service she gave me!! I sold my house in Orange Grove and had to hand over on 28th of Feb. Two days before handover, I experienced problems with the one rolling door which you installed about 2+ years ago. I phoned, which Nanette then dealt with. I had logistical issues such as, I now live in Hekpoort, 90km away from Orange Grove. Printing and signing documents (40km away) is not possible. I also experience difficulty reaching the new owner, etc. It was a challenge to manage the handover and repairs over a distance and I then needed assistance from people. And there was Nanette! She was so friendly, accurate, immediate and helpful! Whenever I had a problem she came with solutions and even went further to management level for approval of signature to assist me. Chris, thank you for your company's brilliant service and Nanette's ability to keep customers happy and want to return!